ដោយ : បន្ទាយ
បាត់ដំបង ៖ឆ្លងកាត់ការប្រកួតយ៉ាងស្វិតស្វាញរយៈពេលពេញមួយថ្ងៃ ក្រុមកីឡាករបាល់ទាត់មហាជនខេត្តបន្ទាយមានជ័យ ដឹកនាំដោយលោកឧត្ដមសេនីយ៍ត្រី បោន ប៊ិន មេបញ្ជាការកងរាជឣាវុធហត្ថខេត្តបន្ទាយមានជ័យ បានទទួលបានជយលាភីលេខ១ ក្នុងការប្រកួតពានរង្វាន់”មិត្តភាពឣាយុ៣៥ឆ្នាំឡើង “នៅទីលានបាល់ទាត់កូននាគបឹងរាំង ខេត្តបាត់ដំបង កាលពីថ្ងៃទី១១ខែមិថុនាឆ្នាំ២០២៤ ។
ក្នុងពិធីនេះក៏មានការអញ្ជើញចូលរួមជាអធិបតីភាព លោកសេនីយ៍ទោ សេង ធារិន មេបញ្ជាការរង នាយសេនាធិការ យោធភូមិភាគ៥និងប្រធានសហព័ន្ធកីឡាបញ្ចសិលាដែលរៀបចំកម្មវិធីនេះផងដែរ។
ការប្រកួតនិងលទ្ធផលតាមពូលនិងក្រុមក្នុងរយៈពេលពេញមួយថ្ងៃ រួមមាន ៖
ជំនួបទី១ ក្រុមបាល់ទាត់មហាជនខេត្តបន្ទាយមានជ័យ ប្រកួតជាមួយ ក្រុមបាល់ទាត់ថៃឡែន មកពីប្រទេសថៃ (លទ្ធផល២-០) ។
ជំនបទី២ ក្រុមបាល់ទាត់មហាជនខេត្តបន្ទាយមានជ័យ ប្រកួតជាមួយក្រុមបាល់ទាត់ SCS ភ្នំពេញ (លទ្ធផល២-០)។
ជំនួបទី៣ ក្រុមបាល់ទាត់មហាជនខេត្តបន្ទាយមានជ័យ ប្រកួតជាមួយក្រុមគ្រុឌមាស សៀមរាប (លទ្ធផល១-០)។
ជំនួបទី៤ ក្រុមបាល់ទាត់មហាជនខេត្តបន្ទាយមានជ័យ ប្រកួតជាមួយក្រុមបាល់ទាត់ បូរីរ៉ាត់ កំពត (លទ្ធផល២-០)។
ជំនួបចុងក្រោយ ក្រុមបាល់ទាត់មហាជនខេត្តបន្ទាយមានជ័យ ប្រកួតជាមួយក្រុមបាល់ទាត់ DID បាត់ដំបង ម្ចាស់ផ្ទះ (ជាលទ្ធផល ៣-១)។
សូមបញ្ជាក់ថា ការប្រកួតនេះក៏មានកីឡាករចូលរួមចំនួន០៦ក្រុមមកពីរាជធានី-ខេត្ត ក្នុងនោះក៏មានការចួលរួមប្រកួតកីឡាករមកពីប្រទេសថៃចំនួន០១ក្រុមផងដែរ។
ចំណាត់ថ្នាក់លេខ១ បានទៅលើក្រុមមហាជនខេត្តបន្ទាយមានជ័យ ទទួលបានពាន១ មេដាយមាស និងថវិកា២លាន៤សែនរៀល ។លេខ២ បានទៅលើក្រុមបាល់ទាត់ បូរីរ៉ាត់ កំពត ទទួលបានពាន១ មេដាយប្រាក់ម្នាក់១ និងថវិកា១លាន៦០ម៉ឺនរៀល លេខ៣ ក្រុមបាល់ទាត់ SCS ភ្នំពេញទទួលបានពាន១ មេដាយសំរឹទ្ធិ១ម្នាក់ ថវិកា១លាន២សែនរៀល អាជ្ញាកណ្ដាល៧នាក់ ម្នាក់ទទួលបានថវិកា២០ម៉ឺនរៀល គណៈចាត់កម្មវិធី២នាក់ ម្នាក់ទទួលបាន៤០ម៉ឺនរៀល ក្មេងរើសបាល់៦នាក់ ម្នាក់ទទួលបាន៥ម៉ឺនរៀល ៕
